Innaa Lillaali Wa innaa Ileyhi Raajicuun!
Waxaa maanta qabuuraha Honkanummi ee magaalada Vantaa lagu aasay Allaha u naxariistee Abdifatah Egal oo ka tirsanaa ciidamada booliska ee dalka Finland.
Aaska marxuumka ayaa waxaa ka soo qaybgalay dad aad u fara badan oo dhammaantood ka tiiraanyoonayay geerida Allaha u Naxariistee Abdifatah Egal.
Marxuumka ayaa tusaale u ahaa dhallinyarada ku dhalatay ama ku kortay dalkan Finland ee asal ahaan ajnabiga ah.
Wuxuu safka hore uga jiray dadka fara-ku-tiriska ah ee ku hammiyay kana gungaaray ku biirista Ciidanka Booliska Finland, dadkaas oo asalkoodu yahay ajnabi.
Bahda Shabakadda Warbaahinta Soomaalida Finland (SSMV) waxay markale ka tacsiyeeynaysaa geerida Eebe ha u naxariistee Abdifatah Egal oo maanta lagu aasay qabuuraha magaalada Vantaa.
Innaa Lillaali Wa innaa Ileyhi Raajicuun!
