Xukuumadda Finland ayaa maanta hoolka shirarka ee xarunta dowladda ku qabatay wadahadlkii ugu horreeyay ee noociisa ah oo ay xukuumadda Ra’iisal Wasaare Orpo la yeelato hawlwadeenno ka kala socday qaybaha kala duwan ee bulshada.
Kulanka ayaa lagu lafaguray sida ugu habboon ee wadajir looga shaqayn karo hirgelinta barnaamijka ay xukuumaddu diyaarisay islamarmaasna meelmarisay ee looga hortegayo sinnaan la’aanta iyo takoorka nidaamsan ee ragaadiday Finland.
Mowduuca kulankan sida gaarka ah looga dooday ayaa ku saasanaa nolosha shaqada oo ay ay muddo dheer ka jirtay takoor qaabaysan oo si gaar u saameeya dadka qaar, gaar ahaan dadka dalka u soo guuray iyo kuwa asal ahaan soo-galootiga ah.
Shiikh Sharmarke Said Aw-Musse, imaamka iyo Khatiibka masjidka As-Salam
ee Vantaa oo kulanka ku metelayay Muslimiinta Finland ayaa xukuumadda Finland u soo jeediyay talooyin wax weyn ka taraya hirgelinta qorshaha xukuumadda ee ku qornaa warbixintii ay xukuumaddu ka soo saartay sinnaan la’aanta, takoorka iyo cunsuriyadda kala qaybisay bulshada Finland ku dhaqan.
Imaam Sharmarke ayaa dhanka kale xukuumadda Finland gaarsiiyay farriin iyo talo ku saabsan qadiyadda Falastiin, gaar ahaan xaaladda Gaza. Imaamka ayaa xukuumadda Finland kula taliyay in ay ku biirto wadamada iyo hay’adaha caalamiga ah ee dalbaday in si degdeg ah loo joojiyo xabadda iyo gulufka colaadeed ee galaaftay nolosha kummaan dad ah oo carruur iyo haween u badan ee ka socda Gaza, halkaas oo ay shacabka Gaza ku marayaan rafaad iyo dhibaato aan horay loo arag wakhtigan casriga ah.
Wadahadalkan ay xukuumadda Finland qabanqaabisay ayaa ku soo aadaya xilli suuqa shaqada ee Finland ay ka jirto takoor iyo sinnaan la’aan dhinaca shaqada ah. Shaqo joojin baahsan oo dhaqaalaha dalka cuuryaamisay ayaa sidoo kale hadda ka socota guud ahaan Finland.
Imaam Sharmarke ayaa sida muuqata ah imaamkii ugu horreeyay ee Finland ee si aan gambasha lahayn uga falceliya faallooyinka iyo hadallada gurracan ee Musliiminta iyo Diinta Islaamka ka dhanka ah. Waxaa kale oo Imaamku soo gudbiyaa qoraallo iyo warbixinno uu dadka ugu ifinayo Islaamka saxda ah, si ay meesha uga baxdo iskudayga ay dadka Islaamka necebka ku doonayaan in ay marin-habaabiyaan dadka aan diinta Islaamka aqoonta u lahayn.
Midowga Jaaliyadda Soomaaliyeed (Suomen somalilaistenliitto) ayaa dhanka kale kulanka ku meteleysay Jaaliyadda Soomaaliyeed ee Finland. Warka rasmiga ah ee ka soo baxay jaaliyadda lagu daabacay boggeeda Facebook kuna saabsan kulankan linkiga hoose ayaad ka akhrisan kartaa.
Sida ku cad warbixinno heer caalami iyo heer qaaradeed ah oo sannadihii u dambeeyay la soo saaray, Finland waxay safka hore uga jirtaa dalalka ay cunsuriyaddu saldhigtay. Dadka takoorka iyo cunsuriyadda uga ba’an la kulma ayaa ah dadka madowga ah ee Finland ku dhaqan.
Liiska dhinacyada ka qaybgalay kulanka ee na soo gaaray ayaa sidan u qornaa:
Osallistujalistan mukaan nämä toimijat ovat mukana:
Akava
Arktiset maahanmuuttajat ry
As-Salam moskeija
Elinkeinoelämän keskusliitto EK
Espoon kaupunki
Etnisten suhteiden neuvottelukunta ETNO
Fem-R
Finnish Business and Society FiBS ry
Finnish Business Angel Network
Helsingin kaupunki
Ihmisoikeusliitto
Irakin Naisten yhdistys ry.
Jyväskylä yliopisto
Kuntaliitto
Mahdin Nuoret ry
Moniheli ry
Monika Naiset ry
Opetushallitus
Romaniasiain neuvottelukunta RONK
SAK ry
SAKKI ry
Sitra
S-ryhmä
Start-up Refugees
STTK ry
Suomen Romaniyhdistys ry
Suomen somalialaisten liitto ry
Suomen Yrittäjät
SYL ry
Tasa-arvoministeri Sanni Grahn-Laasonen
Terveyden ja hyvinvoinnin laitos
Vantaan kaupunki
Väestöliitto
Yeesi ry / Muudi -hanke
Yhdenvertaisuusvaltuutettu Kristina Stenman
Yhteiset Lapsemme ry
Xuquuqd sawirka: Fanni Uusitalo, valtioneuvoston kanslia
